അക്ഷര ദീപം തെളിയിച്ച് പ്രവേശനോത്സവം

  തോന്നയ്ക്കൽ ഗവ. എൽ പി സ്കൂളിലെ ഈ വർഷത്തെ പ്രവേശനോത്സവം വളരെ ഭംഗിയായി നടന്നു.  കൊടി തോരണങ്ങളാലും കുരുത്തോലകളാലും വർണ്ണബലൂണുകളാലും സ്കൂളും പരിസരവും അലങ്കരിച്ചിരുന്നു.  ചെണ്ട മേളത്തിന്റെ അകമ്പടിയോടെ സ്വാഗതഗാനം ആലപിച്ച് അറിവിന്റെ ലൊകത്തേക്ക് കടന്ന് വന്ന കൊച്ചു കൂട്ടുകാർക്ക് വിശിഷ്ടാഥിതികൾ പുത്തൻ യൂണിഫോമും പുസ്തകവും പേനയും ബുക്കും ബലൂണുകകളും നൽകി സ്വീകരിച്ചു.

ഒന്നാം ക്ലാസ്സിൽ എഴുപതോളം കുട്ടികളൂം പ്രീപ്രൈമറിൽ 135 കുട്ടികളും അക്ഷര ദീപം തെളിയിച്ചു  പുതുതായി എത്തിയത്.  ജില്ലയിൽ കൂടുതൽ കുട്ടികൾ പ്രവേശനം നേടിയ അപൂർവ്വം സ്കൂളുകളിൽ ഒന്നാണു  തോന്നയ്ക്കൽ ഗ എൽ പി എസ്.  വാർഡ് മെമ്പർ കെ.കരുണാകരൻ യോഗൻ ഉദ്ഘാടനം ചെയ്തു.  പ്രൊഫ.എസ്. രാധാക്യഷ്ണൻ നായർ, എം.എം. യൂസഫ്, ബിന്ദുലാൽ തോന്നയ്ക്കൽ, ആർ.രാജശേഖരൻ നായർ, എസ്.എം. ലൈലാബീവി, റ്റി.ജതീഷ് എന്നിവർ സംസാരിച്ചു. മുഴുവൻ കുട്ടികൾക്കും മിഠായി പൊതിയും മധുര വിതരണവും നടത്തി